O primeiro banco de tempo de lugo

domingo, 19 de noviembre de 2023

Oportunidades de Troco non cubertas

OPORTUNIDADES DE TROCO NON CUBERTAS

Ás veces os membros do BdT Lugo ofrecen oportunidades para trocar, pero ninguén mostra interés nelas. Destácanse aquí as oportunidades de troco vacantes ¡que están desexando ser cubertas!:

DECEMBRO 2023:

Resolución de Incidencias

En tódolos colectivos hai diferentes puntos de vista, incumplimentos de acordos, conflictos,
atascos na toma de decisións e de acordos, esquecementos, etc...

Isto é normal e inevitable, e case sempre é percibido de xeito negativo. Mais asumindo que é
unha parte máis da nosa evolución como grupo ¿porqué non miralo como unha oportunidade de
evoluir, desaprender algunhas inercias que temos e tentar utilizalo como algo formativo para
nós?

O conflicto é algo necesario para que o grupo sexa viable, autocrítico e creativo
Principios e métodos para a resolución de conflictos:

Cando teñamos un desencontro ou conflicto con outra banqueira, o mellor é tentar falalo en
persoa coa outra parte, e nunca usar o grupo de correo do banco para tentar solucionar un
conflicto.

-Tentar sempre que a comunicación sexa o máis completa posible: mellor fisícamente que
telefónicamente, e tentar evitar sempre comunicación vía internet ou mensaxería.
- Falar, falar, falar, escoitar, escoitar
- Tentar non prexulgar nen xulgar a ninguén
- Non hai “persoas conflictivas”, todas podemos ser parte dalgún conflicto
- Dar tempo. Calma, deixar que as cousas e os sentimentos apousen se é o caso
- O conlicto ou o desacordo non son “malos”
- Sentidiño do humor que sempre axuda nas situacións tensas. Tentar rirnos de nós mesmas,
afastándonos mentalmente do problema
Se non se atopa unha solución, o ideal é que cada unha das partes busque a outras banqueiras
que poidan mediar e buscar unha solución. Neste caso, as persoas que axudemos no proceso
debemos:
- Non xulgar nen decidir unha solución, só dinamizar, sendo propositivas, xa que a solución final
ten que ter aceptada polas dúas partes
-Ter algo de coñecemento do funcionamento do banco do tempo e ter moita paciencia e orellas
ben grandes (escoitar), tentando non posicionarase a favor de ninguha das partes
independentemente da nosa opinión persoal.
- Aplicar tódolos puntos anteriores e ofrecer solucións ás partes, animándoas a que aporten
ideas e faciliten o proceso.

No caso de non atoparse solución, haberá que falar do tema na asamblea, para que ésta
decida que facer. Tede en conta que as asembleas non son boas para informar dos
conflictos ou tratalos (demasiadas persoas observando, ambiente ás veces tenso, presas,
etc...)

Por isto, será necesario ser moi coidadosas na asemblea e tentar crear un ambiente o
máis distendido e respetuoso posible.

Novos Membros: ¿Qué espero do BdT Lugo?

Cando se ingresa no Banco de Tempo de Lugo moitos novos membros esperan diferentes cousas en función das súas expectativas, sendo a máis común e habitual o pensar que se trata dunha comunidade.

O Banco de Tempo de Lugo NON é unha comunidade. Tratase dun espazo de troco no que persoas de diferente perfil, pero con valores similares, deciden unirse para trocar. Esta decisión responde a unha ética moi persoal que responde ao ¿porqué trocar en xiríns cando podo obter euros polo wallapop? por exemplo. A resposta reside en CRER que outros sistemas de troco son posibles, e o Banco de Tempo de Lugo é un deles.

No BdT Lugo se coñece xente de valores afíns, pero é un espacio tan aberto como a propia sociedade, onde uns trocan máis, outros menos, onde uns fan amistades mentras outros quizá non acaben de encaixar a membresía. Todo està ben.

Dentro do Banco de Tempo de Lugo hai membros que fixeron amistade e sí son unha pequena comunidade entre eles, incluso chegando a crear un grupo propio fóra do Bdt para trocar entre eles sen euros, pero non necesariamente é o que hai que esperar cando pasas a formar parte do Bdt Lugo.

¿Que é mellor NON esperar?

-Non esperes atoparte unha comunidade de persoas que de repente pasan a ser os teus amigos... Quizais poderàs coñecer xente maravillosa coa que fagas amistades, pero como en todo... iso dependerà da experiencia de cada un.

-Non esperes atoparte un espazo 100% coordinado que funciona semellante a unha organización. O Banco de Tempo de Lugo està moi ben coordinado, pero iso é gracias a labor voluntaria de membros moi implicados que velan e fan por esa coordinación. Todos os membros poden coordinar, incluso os recén chegados. O Bdt Lugo é unha estructura horizontal de membros auto-coordinados. Os màis implicados ou os que màis creen neste modo de trocar teñen a oportunidade de coordinar, dinamizar, crear, etc... pero non deixa de ser unha labor voluntaria.

¿Qué esperar entón?

A realidade é que o Bdt Lugo é un espazo creado para cubrir necesidades, reutilizar cousas que non precisamos, axudarnos mutuamente... en definitiva, para tratar de vivir mellor sen gastar euros ou reducindo a cantidade de euros entre os trocos (como ocorre coas actividades e productos dos membros profesionais)

-Podes esperar ter acceso a trocos sen euros en productos e "servirtudes" (positivización de ser-vicios) entre os membros

-Podes esperar poder trocar totalmente en xirins ou en xirins-euros en servirtudes e productos que ofrecen membros do BdT Lugo que son profesionais independentes.

-Podes esperar coñecer a persoas con este tipo de valores.

-Podes esperar a oportunidade de formar parte e participar nun sistema alternativo de troco, màis horizontal, local e natural.

¡Anímate a probar! ¡claro que vas a coñecer xente! pero recorda que é coma na propia sociedade... haberà xente màis afín e xente non tan afín

¡Benvid@s!

sábado, 18 de noviembre de 2023

Puntos de Intercambio

Nesta entrada noméanse os puntos de intercambio para os trocos en productos dentro do Bdt:

1) A Cova do Raposo. Tenda de alimentación ecolóxica, ofrece un espazo na tenda para que os membros troquen entre sí

2) Bico de Grao. Tenda de alimentación ecolóxica, ofrece un espazo na tenda para que os membros troquen entre sí

3) Palacio de Congresos de Lugo (à saída, no rio Miño). Un dos membros permite usar parte dunha oficina que ten para estos trocos

4) Vilalba.

Espacios para trocos x servirtudes:

Cando entre os membros quedan para trocar servirtudes como un corte de pelo, un curso, unha clase, etc hai varias opcións:

1) o uso do espacio do Centro Social A Hedreira, aínda que consultando antes co centro para ter o seu permiso.

2) a casa dun membro

3) un espacio natural

4) a biblioteca pública de Lugo cidade

5) outros lugares a imaxinación dos membros

Espacios para trocos de membros profesionais que aceptan pagos en xirins ou xirins-euros

1) Bico de Grao. Conta cun espazo de actividades. Hai que consultar primeiro. Si a actividade se paga íntegramente en xirins non ten custe en euros, pero si hai euros polo medio, é dicir, cun custe en euros para acceder à actividade, pàgase un 20% ao establecemento por persoa que asista.

2) Os espacios profesionais propios de cada membro

3) Os espacios que cada membro elixa en base a actividade a ofertar.

¿En qué gastar os xiríns?

Unha das situacións que se adoita dar entre os membros màis activos é a acumulación de xirins que despois non saben en qué trocar.

Para eses xirins-millonetis vai este artigo... porque non é o mesmo manexar 30 xiríns, que 300.

Formas de gastar esos xiríns:

1) A mellor forma de invertir esos xiríns é apostando por algunha actividade ofrecida por algún membro profesional que ofrece o pago en xiríns ou euros-xiríns: cursos, masaxes, "servirtudes" (positivización de ser-vicios) tipo arreglos de xardíns, etc. Neste link atópanse todos esos profesionais que estaràn encantados de recibir esos xiríns polo que ofrecen.

2) Doando xiríns ao propio Banco de Tempo para que non teña que crear màis xirins ou para que conte cunha maior bolsa de xiríns en beneficio de todos os membros: as veces cando un membro abandona o Bdt non deixa a conta cos 30 xiríns iniciais que se aportan para fomentar os trocos. Doar certa cantidade de xiríns axuda a restablecer estas posibles perdas. Por outro lado, a doación de xiríns ao Bdt para un fin concreto, tipo: uso dun espacio ou troco por algunha necesidade do propio banco, é tamén unha boa opción para facer circular novamente os xiríns

3) Cada día os membros do Bdt adoitan ofrecer productos de troco por xiríns. Ainda que non teñas moitas necesidades, ¡anímate a trocar algo màis e usar esos productos para regalos a persoas fóra do Bdt! aforraràs euros ¡seguro!... :)

4) Fai unha proposta ao grupo expoñendo unha necesidade concreta que teñas e que poida supor unha cantidade considerable de xiríns... seguro que moitos membros estaràn encantados de poder acceder à totalidade ou parte de esa necesidade.

Re-corda que non importa si se fala de xiríns ou de euros... o importante é o equilibrio. Se che sobran moitos xiríns quizà estés ofrecendo moito màis que pedindo, e viceversa (se che faltan xiríns é porque pides mài do que ofertas). En calquera caso é un desequilibrio que a propia persoa debe de observar e correxir.

Enton qué... ¿animaste a trocar os teus xiríns? Ahí acumulados non fan nada... ¡queren voar a trocar!

Profesionais que Aceptan Xirins

PROFESIONAIS QUE ACEPTAN XIRINS

Dentro do Banco de Tempo de Lugo tamén cabe a posibilidade de ofrecer trocos a nivel profesional.

Tràtase de profesionais independentes e establecementos que deciden voluntaria e libremente aceptar o pago íntegro en xiríns ou o pago híbrido xiríns-euros.

Seguindo o exemplo destes profesionais que facilitan a asistencia a cursos, actividades, etc... sempre é positivo que máis membros profesionais se animen a esta práctica, ou que membros do Bdt que non sexan profesionais independentes tamén comenten estes beneficios a posibles establecementos ou outros profesionais autónomos que podan coñecer.

Cantos máis servizos e establecementos acepten xiríns, ou xiríns-euros, máis posibilidades de troco, máis beneficio para os membros do Bdt, e maior beneficio entre eses profesionais que se poden apoiar mutuamente nunca dinámica de comunidade, sempre beneficiosa para as súas profesións.

LISTADO DE MEMBROS PROFESIONAIS DO BDT QUE ACEPTAN PAGOS EN XIRINS

Lola: Ofrece cursos de cestería a través da Asociación As Espigadoras que se poden abonar íntegramente en xiríns ou en formato híbrido xiríns-euros. Consultar en cada convocatoria. O seu facebook é: https://www.facebook.com/Obradoirodeoficios/

Xose: Ofrece actividades de podas, cuidado de xardíns, forestais, etc. Acepta pago en xiríns, ou xiríns-euros entre os membros do Bdt. O seu blog: http://permaculturavencello.blogspot.com/

Sonia Fernández Vázquez: conta cun consultorio na rúa da Cruz nº20 en Lugo Cidade. Ofrece masaxe californiano, reiki, gemoterapia e apertura de Registros Akashicos. Acepta xiríns e xiríns-euros nas súas sesións (consultar con ela). O seu Instagram é: https://www.instagram.com/p/CrvIV7rth10/

Lucía Medina: Ofrece obradoiros de papel reciclado, calceta con 5 agullas para facer luvas e calcetíns, fiado de lá. Ofrece tamén os seus productos: libretiñas de papel reciclado, marcapáxinas de papel reciclado, contos artesanais, luvas de lá, calcetíns, gorros, calentadores, tapices (tamaño pequeno) e algunha que outra cousiña máis. (Consultar con ela) O seu blog é http://reciclartetallerdepolo.blogspot.com/