¿Cómo Formar Parte do Banco de Tempo de Lugo?

¿CÓMO FORMAR PARTE DO BANCO DE TEMPO DE LUGO?

 

Se queres formar parte do Banco de Tempo de Lugo o primeiro paso é contactar con equipo de Coordinación a través do email: bancotempolugo@yahoo.es

Unha vez que solicites o teu ingreso, o equipo de coordinación porase en contacto contigo para solicitarche certos datos. 

Tra-la entrega deses datos, recibirás unha notificación para realizar o chamado ACOLLEMENTO, que é un paso moi importante no Banco de Tempo. 

No Acollemento unha persoa do equipo de coordinación explicarache cómo funciona o Banco de Tempo, normas, dinámicas, etc... é moi importante que se comprenda ben todo e que gardes a información que se che proporcionará no Acollemento, xa que será necesaria para a vida dentro do Banco de Tempo de Lugo. 

A diferencia da dinámica cos euros, no Banco de Tempo de Lugo enfatízase máis PEDIR que ofrecer, xa que deste xeito é moito máis fácil fomentar os intercambios e que os novos membros vaian xerando xiríns para trocar. 

O importante dentro do Banco de Tempo de Lugo non é xerar xirins para trocar. Os xiríns só tan só unha invención simulada que fomenta o troco entre os membros, pero realmente o bonito é ter a oportunidade de poder intercambiar sen ter que usar euros. Deste xeito, o sentimento de beneficio é moi satisfactorio, porque hai bastantes membros que teñen horta propia e trocan alimentos de calidade, outros que, en vez de usar wallapop trocan en xirins, outros que ofrecen as suas servirtudes en xirins-euros, coa rebaixa en euros que iso supón. ¡Dende un corte de pelo ata masaxes, cursos, libros, alimentación natural! Os xiríns son só unha excusa para trocar evitando os euros. 

Nos teus primeiros días dentro do Bdt estáte atento a todos os correos! porque case todos os días hai oportunidades de troco. 

 ¡a trocar! 

 

 

Obradoiro lavado de Lá

Tal e como dixemos, xa comezou o proceso de tratamento da lá, e aqui xuntamonos a frotar sen parar!

Despois ven a fase de cardado, fiado, tinguido e a quentarse que chega o inverno!!

Obradoiro de cesteria de Tetabri

De novo a voltas cos obradoiros, para achegarnos pouco a pouco a autosuficiencia e aproveitando os recursos que calquera ten na casa, a non ser que teñas a vaca, directamente. Graciñas moitas a tódala xente que veu e a reproducir ideaaas!

Obradoiro de champán de sabugueiro

mais fotitos e mais obradoiros, tarde de compartir e vivir na casa de Iago, moitas gracias!!!
e para elaborar esta refrescante e económica receita veraniega....

12 ramilletes de flores de sabugueiro (sambucus nigra) O pelexo dun limón (monda) 2 culleradas de vinagre 1/2 kg de azucre 4,5 l de auga

remexer e tapar, deixar 24 h en reposo para que fermente, despois filtrar e embotellar e aos 21 días xa teremos o zume, do día 21 en adiante será champán!!

oess, e para filtrar vai ben cun trapiño de cociña destes finos e porosos (ben limpo, a ser posible) e as botellas mellor de rosca chapa para que non perda o gas da fermentación, se non quedaráse en zume... saúde!

Obradoido de fieltro II

Aqui tedes unhas foticos do último obradoiro de fieltro que fixemos, proximamente festa de lavar lá, cardar, fiar... en varias xornadas, xa vos iremos informando!!

MERCADIÑO DE TROCO E DOAZON

Cada xoves primeiro de mes ás 19.00 h temos o
MERCADIÑO DE TROCO DE DOAZON,
no C.S. Vagalume de Lugo (Rúa Noreas).

O proximo será o vindeiro xoves 3 de XUÑO. Podedes traer todo tipo de utensilios para trocar, por outras cousas ou servizos, a gusto de cada quen.
Par ver algún dos que xa fixemos, preme aqui.

Os xirins, a moeda do Bdt

OS XIRÍNS

 

 

 

A moeda oficial do Banco de Tempo de Lugo son os xiríns. Como ben di o seu nome, fai honor ao xirín, ese precioso páxaro que coa súa cor e voo nos chea de alegría e de esperanza ¡sí! ¡outra forma de facer as cousas é posible!

 ¿De qué maneira a dinámica en xiríns é diferente?

 1) a unidade de intercambio é 1 hora. 1 hora = 10 xiríns.  Non importa se o intercambio se da entre un astronauta e unha limpadora, a hora de tempo de ambas persoas ten o mesmo valor. Porque o intercambio é entre persoas, e o tempo de ambas persoas na súa vida vale o mesmiño: 10 xiríns.

2) tamén é posible intercambiar productos por xiríns. Neste caso cada quen decide por cantos xiríns ofrece o que quere ofertar. Cabe destacar a grandiosa xenerosidade que abunda entre os membros do Bdt nesta práctica. 

3) non se fomenta a acumulación de moeda. No Banco de Tempo de Lugo non gusta moito que se acumulen xiríns, xa que, como ao páxaro, gústanlle voar de un troco a outro. Hai certos límites de acumulación de xiríns, e incluso unha pequena penalización. ¡Que voen os xiríns! para iso foron creados.